Արսեն Թորոսյանը մասնակցում է ԳԱՎԻ դաշինքի խորհրդի հերթական նիստին

Առողջապահության նախարար Արսեն Թորոսյանը աշխատանքային այցով գտնվում է Նյու-Դելիում:
Նախարարը մասնակցում է ԳԱՎԻ դաշինքի խորհրդի հերթական նիստին` որպես խորհրդի անդամ:
ԳԱՎԻ միջազգային դաշինքը միավորում է զարգացող երկրներին և դոնոր
կազմակերպություններին` իմունիզացիայի մակարդակի բարձրացման և մարդկանց կառավարելի վարակիչ
հիվանդություններից պաշտպանելու նպատակով:
Միջազգային դաշինքը երկրներին, այդ թվում նաև Հայաստանի Հանրապետությանը ցուցաբերում է
ինչպես ֆինանսական, այնպես էլ մեթոդաբանական օգնություն` աջակցելով իմունոկանխարգելման
ծրագրերի համակարգման և կատարելագործման մեխանիզմների միջազգային, տարածաշրջանային և
ազգային մակարդակներում մշակմանը:
Հանդիպման հիմքում ԳԱՎԻ դոնոր երկրների ջանքերն են` ուղղված պատվաստանյութերով
ապահովմանը, այդ թվում` արտակարգ իրավիճակներում պատվաստանյութերի պաշարների տրամադրման
տեսանկյունից:
Քննարկումները կնպաստեն առողջապահության բնագավառում առավել արդյունավետ և
փոխշահավետ համագործակցություն ունենալուն:

 

«18+» -  «ԻՄՊՈՏԵՆՑԻԱ․ Հոգեբանական գործոններ»

Եթե ուզում եք ունենալ այսպիսի շքեղ նկարահանում, ապա գրեք «Time to»-ի ֆեյսբուքյան էջին կամ զանգահարեք Հեռ. 095969009